Se queres ter fillos tes a...
Cesta Benvida
Que é?
A Cesta Benvida é un agasallo que reciben todas as nais e pais cando acaban de ter un fillo. Contén produtos básicos para os seus primeiros días de vida e entrégaa a Xunta de Galicia directamente no hospital sen necesidade de solicitala.
Que entidades colaboran na súa elaboración?
A Cesta Benvida, ademais de ser práctica, é tamén solidaria xa que contén produtos elaborados ou rematados por usuarios de máis de 20 entidades sociais destinadas á protección á infancia ou á atención ás persoas con discapacidade de Galicia. Sen a súa achega sería imposible entregar este agasallo a todas as mamás e papás.
Estas son as entidades que colaboran:
Asociación Íntegro, Irmás Hospitalaria Pai Menni, Fundación Discapacitados Psíquicos Barcala, Aspaneps, Asociación Pascual Veiga, Apader, Afexdi, Asociación Saúde Mental Ferrol, Eume e Ortegal, Amicos, Fundación parfa a protección de persoas con discapacidade psíquica Vilalba Terra-Cha, Asfaval, Aspadisi, Asociación con Eles, Asociación Juan XXIII, Apamp, Esclavas Virgen Dolorosa de Mos, Asociación Aspavi, Aspanaex, Doral Residencias, Aceesca, Virgen de la O, Fundación Igualarte e Fundación Andrea.
Que produtos contén?
Ten un conxunto de produtos que poden variar en función da capacidade de produción das entidades colaboradoras. Iso si, todas as Cestas Benvida contan con cueiros, toalliñas, esponxa, champú, auga perfumada, crema balsámica, libro de contos, chaveiro con código QR, unha muselina, un pato de goma e a cartilla de vacinación coa proba necesaria para a detección de enfermidades metabólicas, que debe levarse a cabo nos primeiros cinco días de vida do bebé.
