Se queres ter fillos tes...
Gratuidade en escolas infantís
Que é?
Desde o curso 2022-2023 as escolas infantís de Galicia son gratuítas, tanto as públicas como as privadas. Galicia foi a primeira comunidade autónoma en ofrecer educación infantil de 0 a 3 anos de forma gratuíta.
Desde o ano 2020 a educación infantil en Galicia xa era de balde para os segundos fillos e sucesivos.
Que familias poden beneficiarse?
Todas as familias con nenos de entre 3 meses e 3 anos que estean inscritos nalgunha escola infantil de Galicia adherida ao programa da gratuidade.
Como se solicita?
Non é necesario facer solicitude.
A escola infantil aplicará directamente o desconto do 100% do custo da atención educativa e da matrícula. Será a Xunta de Galicia quen aboe o custo do servizo ao centro educativo.
Inclúe o servizo de comedor?
A gratuidade aplica á atención educativa (actividade realizada dentro da aula en horario ordinario) e á matrícula, pero non aos servizos complementarios como o comedor ou calquera outro que ofrezca o centro.
Que escolas están adheridas?
Todas as escolas infantís de Galicia poden adherirse, tanto as públicas, como as privadas, as de iniciativa social ou de calquera outra índole.
A práctica totalidade das escolas infantís de Galicia están adheridas á gratuidade.
Os centros deben anunciar a gratuidade fisicamente nas súas instalacións, na páxina web e nas redes sociais en caso de telas.
